't Stee fan Anne P. iepent de doarren
Ferline wike binne de parseberjochten ferstjoerd nei de ferskate kranten yn'e regio. Fan 27 maaie ôf iepent fakânsjewente/B&B 't Stee fan Anne P. har doarren. Dat wykein ha we ek al gasten!
Wat ha wy de ôfrûne twa jier in protte positive réaksjes út it doarp hân. Minsken dy't spontaan efkes delkamen en ús fertelden oer it ferline of oer harren oantinkens. Minsken dy't fertelden oer famyljes dy't der wenne hiene en fansels ek oer it nifeljen by Anne P. Wat sit der in ferhalen oan sa'n hûs. Prachtich!
Fansels komt der noch in iepen hûs foar dy minsken dy't it leuk fine. We hoopje fan herte dat dat oan’e ein fan de simmer plakfine sil. We litte dit bytiids oan jimme witte (fia it Slûske en de webside). Foarearst gean we 'los'.
Foar wa't mear ynformaasje wol: www.tsteefanannep.nl. De side is mar leafst yn fjouwer talen te krijen dus mochten jimme kunde yn it bûtenlân ha, stjoer de link rêstich troch.
In hertlike groetnis,
Gertjan en Yvette